Կինոդիտում. Մետրոպոլիս / Metropolis (1927)
![[object Object]](/static/images/course/location.svg)
-
0Դասընթացի մասին
Մետրոպոլիս | Metropolis
Ռեժիսոր՝ Ֆրից Լանգ
Արտադրման տարեթիվ՝ 1927
Տևողությունը՝ 150 րոպե
Լեզուն՝ գերմաներեն՝ հայերեն ենթագրերով
Մուտքն ազատ է
Ֆիլմը կներկայացնի և քննարկումը կվարի կինոգետ, կինոռեժիսոր Գարեգին Զաքոյանը:
«Գյոթե» կենտրոնի կինոակումբի փետրվարյան ծրագրում հարգանքի տուրք ենք մատուցում համաշխարհային կինոյի վարպետ Ֆրից Լանգին, ով այս տարի կնշեր ծննդյան 130-ամյակը: Նրա ֆիլմոգրաֆիան լի է կինոյի լեզուն հարստացրած ու կինոյի երեսը հավերժ փոխած զանազան ֆիլմերով և մենք միասին հնարավորություն կունենանք դիտելու դրանցից չորսը։
«Մետրոպոլիս»-ը կինոյի պատմության առաջին գիտաֆանտաստիկ լիամետրաժ կինոնկարներից մեկն է: Գործողությունները տեղի են ունենում հեռավոր ապագայում, երբ թռչող մեքենաներով ու երկնքից էլ վեր խոյացող շինություններով լի Մետրոպոլիսում օրեցօր ավելի և ավելի է խորանում քաղաքի երկնաքերերում ապրող հարուստ սեփականատերերի ու ստորգետնյա կացարաններում տքնող չքավոր աշխատավորների միջև հակակրանքը: Մեծահարուստի որդի Ֆրեդերը սիրահարվում է Մարիային, սակայն դասակարգային հակասություններն ամեն վայրկյան կարող են անդառնալի բռնության վերաճել:
Սոցիալական ու փիլիսոփայական ենթատեքստերով, տպավորիչ դեկորացիաներով ու ցնցող հատուկ էֆեկտներով հագեցած այս ֆիլմը երկար տարիներ երբևէ ստեղծված ամենաթանկարժեք կինոնկարն էր համարվում:
«Գյոթե կենտրոնի» կինոակումբն իրականացվում է Երևանում «Գյոթե կենտրոնի» և «Ֆիլմադարան» կինոմշակույթի զարգացման ՀԿ-ի համատեղ ուժերով: Գրեթե ամեն շաբաթ հավաքվում, դիտում և քննարկում ենք զանազան շրջանների գերմանական ֆիլմեր՝ համր շրջանից մինչև մեր օրեր: Բոլոր կարծիքներն էլ ողջունվում են: Այնպես որ՝ համեցե՛ք:
Քարտեզ
Արվեստ
Կինոդիտում. Մետրոպոլիս / Metropolis (1927)
Հավանեք ու կիսվեք
Կարծիք հայտնել
Մեկնաբանություններ և վարկանիշ
Արվեստը Ձեր մեյլբոքսում
Եթե հետաքրքրված եք արվեստով, ստացեք լավագույն դասընթացների, ամենահետաքրքիր իրադարձությունների մասին թարմ նորություններ։ Գրեք էլեկտրոնային փոստի հասցեն։