- Պրեզենտացիոն մաս
- Պրակիտիկ մաս տրամաբանական խնդիրներ, ալգորիթմներ ռոբոտ մկնիկով, կոդավորում

Programming

Programmierung

Ծրագրավորում

Программирование

Այսօր ծրագրավորումը թոփ մասնագիտությունների ցանկում առաջատարներից է։ Եւ յուրաքանչյուր ծնող գոնե հոգու ամենախորքում ցանկանում է, որ իր երեխան ընտրի հենց այդ ոլորտը։ Իսկ ինչի՞ց սկսել կամ էլ որ ավելի կարեւոր է, ե՞րբ սկսել զարգացնել ծրագրավորման գիտելիքները երեխայի մոտ։

Introductory

The LOFT

Afternoon

«Codzilla». ծրագրավորման հիմունքներ

Events

мероприятие

Նոյեմբերի 7-ին Երևանում կմեկնարկի «Արմմոնո Plus» Armmono Fest  3-րդ հանրապետական թատերական փառատոնը, որի շրջանակներում վարպետության դասեր տեղի կունենան նաեւ #LOFT-ում։

Թատերական արվեստին նվիրված հանդիպումներին կարող են մասնակցել թեմայով հետաքրքրված բոլոր մարդիկ։

[ ՆՈՅԵՄԲԵՐԻ 11-Ի ԾՐԱԳԻՐԸ ]

15:00  | Հանդիպում դերասանուհի Տաթև Ղազարյանի հետ

Թեմա՝ Ձայնը՝ «աշխատանքային գործիք»

Գրանցման հղում՝ https://forms.gle/ndmr38dyat5VcKg8A

16:00 | Հանդիպում պարուսույց Արիկ Ասատուրյանի հետ

Թեմա՝ Շարժումը բեմում

Գրանցման հղում՝ https://forms.gle/Z1Rjv2jZYmggJtJF7

[ ՆՈՅԵՄԲԵՐԻ 20-Ի ԾՐԱԳԻՐԸ ]

15:00 | Հանդիպում ՀԹԳՄ քարտուղար Սոնա Մելոյանի հետ

Թեմա՝ Արդի դրամատուրգիան և Հայաստանում գործող թատրոնները

Գրանցման հղում՝ https://forms.gle/ZNTc1BmeDL1YwLM17

16:00 | Հանդիպում դրամատուրգ Սառա Նալբանդյանի հետ

Թեմա՝ Վավերագրական պիեսի ստեղծման տեխնիկաները

Գրանցման հղում՝ https://forms.gle/CvLAinqAW3zFbiU18

17:00 | Հանդիպում սեքսոպաթոլոգ Վրեժ Շահրամանյանի հետ

Թեմա՝ Սեռական բարդույթների դերը թատերական աշխարհում

Գրանցման հղում՝ https://forms.gle/Zmp8vPVLpuXq3LmQ6

Մուտքն ազատ է։  

«Արմմոնո Plus» հանրապետական թատերական փառատոնն «Արմմոնո» միջազգային թատերական փառատոնի հավելվածն է, և արդեն իր յուրահատուկ տեղն է զբաղեցրել երևանյան փառատոների շարքում: Այն մի հարթակ է, որտեղ երիտասարդ ու խոստումնալից թատերական գործիչները կարող են ներկայացնել իրենց աշխատանքները: Լավագույն մոնո ներկայացումները կցուցադրվեն նաև «Արմմոնո» միջազգային թատերական փառատոնի հիմնական փուլում` 2020 թվականին:

Not specified

Evening

Արմմոնոն՝ Լոֆթում. վարպետության դասեր

«Նոյեմբերի 20-ին` ժամը 19։30-ին, դուք հրավիրված  եք  LOFT՝  ներկա գտնվելու Վիլյամ Սարոյանին  նվիրված  «Saroyan Day» մշակութային մեծամասշտաբ իրադարձությանը»:

Այդ օրը  #LOFT-ը կվերածվի  սարոյանական մշակութային ժառանգության հավաքատեղիի։ Երեկոյի ընթացքում  տեղի  ունեցող  միջոցառումերը մեզ կտեղափոխեն ամերիկահայ գրողի հայրենի քաղաք Ֆրեզնո կամ էլ Նյու-Յորքյան ամենահայտնի ջազային ակումբներից մեկը, որտեղ անցել են երիտասարդ Սարոյանի երեկոները… Իսկ գուցե Բրոդվեյի  թատերահարթա՞կ,  որտեղ բեմադրվեց «Քո կյանքի ժամերը» պիեսը, որն արժանացավ Պուլիցերյան մրցանակի կամ  էլ Հոլիվուդ՝ Օսկարի մրցանակաբաշխության,  այն Օսկարի,  որին արժանացավ եւ այդպես  էլ  չվերցրեց Վիլյամ Սարոյանը «Մարդկային կատակերգության» համար։

❗ ՕՐՎԱ ԾՐԱԳԻՐ

🕣 Ժամը 19։30

- Վիլյամ Սարոյանին նվիրված դասախոսություն | կինոգետ, թարգմանիչ, բանասեր Զավեն Բոյաջյան
- Վիլյամ Սարոյանի հայերեն թարգմանությամբ գրքերի ներկայացում, «Մայրիկ, ես սիրում եմ քեզ», «Հայրիկ, դու խենթ ես», «Անունս Արամ է», «Ուեսլի Ջեքսոնի արկածները» գրքերի շնորհանդես | «Անտարես» հրատարակչություն, գրականագետ, բանասիրական գիտությունների թեկնածու, «Անտարեսի» գլխավոր խմբագիր Արքմենիկ Նիկողոսյան

🕤 Ժամը 20:30

- «Վերջին պատմվածքը», այլընտրանքային թատերական ներկայացում՝ վիդեոարթի համադրությամբ | ռեժիսոր Արա Ասատուրյան

🕥 Ժամը 21։30-ից սկսած

- Վիլյամ Սարոյանի գրաֆիկական աշխատանքների ցուցադրություն | Renaissance Foundation Armenia
- Սարոյանի հոլոգրաֆիկ պատկերի առկայությամբ ֆոտո-սենյակ | Renaissance Foundation Armenia
- Վիրտուալ  իրականության շրջայցի հնարավորություն The William Saroyan House-Museum-ում | Renaissance Foundation Armenia
- «Saroyan’s Life» արթ-ինստալիացիա
- Ամերիկյան ջազի երաժշտական պերֆորմանս | Ռաֆայել Պետրոսյան (դաշնամուր), Դանիել Մելքոնյան (շեփոր)
- Հատուկ հյուրասիրություն
- Կինոդիտում-քննարկում  | կինոգետ, ռադիոհաղորդավար, «Ոսկե Ծիրան» կինոփառատոնի ծրագրերի ղեկավար Կարեն Ավետիսյան

Գրանցման հղում՝ https://forms.gle/rcKeYQMVjbNugqs87

Saroyan Day

Մահվան առասպելական ոլորտը եղել է, կա և կլինի բոլոր ժամանակների ամենաառեղծվածային երևույթը, որը հետաքրքրել է մարդուն։ 

Դեկտեմբերի 17-ին՝ ժամը 19:30-ին, #LoftYerevan-ում կներկայացնենք ձեզ մահվան միստիկական աշխարհի մասին տարածված պատկերացումները Հին Եգիպտոսում: Հայացք ձգելով եգիպտական քաղաքակրթությանը՝ ականատես ենք լինում մահվան փառաբանմանը և դրա միֆական ընկալմանը, որպես հոգևոր մեծագույն  փորձառություն։

Համաձայն գրավոր հուշարձանների ՝ եգիպտացու կյանքը մի մեծ նախապատրաստություն էր և ճամփորդություն դեպի մահվան մեծ ուղին և այնքան նման էր մոնոթեիստական կրոնի վարդապետությանը՝ Քրիստոնեությանը: Այդ նախապատրաստությունները բազմաբնույթ էին. ստեղծվեց հանրահայտ «Մեռյալների գիրքը», որը, ըստ էության, հիմների և ներբողների մի շարք էր։ Այն պիտի ուղղորդեր եգիպտացուն միանալու Օսիրիսի թագավորությանը:

Հին Եգիպտոսում հանդերձյալ  կյանքի մասին պատկերացումներին համընթաց ստեղծվել էր ոչ միայն փառահեղ  դիցաբանական մի համակարգ, այլ նաև սքանչելի արվեստ և պոեզիա, ինչի մասին էլ կզրուցեն մեր երկու բանախոսները։ Կլինի մի միջավայր, որը կտեղափոխի ձեզ դեպի Հին Եգիպտոս՝ բույրերի և հավերժության աշխարհ։

ԲԱՆԱԽՈՍՆԵՐՆ ԵՆ.

- Հայկ Հակոբյան | պատմական գիտությունների թեկնածու

- Տիգրան Գրիգորյան | արվեստաբան

Դասախոսությանը զուգահեռ հնարավորություն կունենանք նաեւ դիտելու եգիպտական մշակույթի յուրահատուկ նմուշներ՝ վիդեոարթի ձեւաչափով: Երեկոյի ընթացքում կհնչի նաեւ հին եգիպտական երաժշտություն եւ կծանոթանանք հին եգիպտացիների խոհանոցին [հյուրասիրություն]։

Գրանցման հղում՝ https://forms.gle/Jt6XUcMDEedGfmKYA

Մահվան միֆը. եգիպտական երեկո

Տոներն են մոտենում, տոներն են մոտենում…

Իսկ դուք արդեն գիտե՞ք՝ ինչ նվիրել ամանորին ձեր հարազատներին։  

 Կարծում ենք՝ կհամաձայնեք մեզ հետ, որ ամենայուրահատուկ նվերը ձեր հարազատների համար կլինի ձեր իսկ ձեռքերով պատրաստածը։ 

Այդ իսկ պատճառով դեկտեմբերի 22-ին՝  ժամը 15։00-ին, ձեզ և ձեր փոքրիկներին կսպասենք #LoftYerevan-ում՝ միասին պատրաստելու ամանորյա թեմատիկ խաղալիքներ։ 

Անհրաժեշտ բոլոր նյութերն ու հավես միջավայրը կապահովենք մենք, իսկ լավ տրամադրությունը՝ դուք։ 

Վարպետության դասը կվարի դիզայներ Ելենա Միրզոյանը։ 

Գրանցման հղումը՝ https://forms.gle/gLY1gUmFuyxPGgRK8

Christmas Toys. handmade master class

Ֆիլմը կներկայացնի և քննարկումը կվարի #Դիտանկյուն կինոակումբի համակարգող, «Ոսկե ծիրան» կինոփառատոնի ծրագրերի տնօրեն, կինոքննադատ, ռադիոհաղորդավար Կարեն Ավետիսյանը։

#LOFT-ի #Դիտանկյուն կինոակումբում տարին մեկնարկում է Ֆերնանդո Մեյրելեսի «Երկու պապերը» իրական դեպքերի հիման վրա նկարահանված ֆիլմով։



«The Two Popes». դիտում-քննարկում

Movie screening

Filmvorführung

Ֆիլմի ցուցադրություն

Показ фильма

Ֆիլմը պատմում է նախկին մի փոփ երգչուհու մասին, ով կորցնում է իրականության իր զգացողությունը, երբ նրան իր անցյալի ուրվականներից զատ սկսում է հետապնդել նաև իր մոլի երկրպագուներից մեկը։

Ցուցադրությանը կհետևի նաև քննարկում, կներկայացվեն տեղեկություններ ֆիլմի մասին, կփոխանակվեն կարծիքներ։

«Perfect Blue». դիտում-քննարկում

Արդեն մեկ տարի է` #LOFT-ում գործում է «Ինքնորոշում» նախագիծը, որի շրջանակներում ամեն ամիս անդրադառնում ենք տարբեր մասնագիտությունների՝ հյուրընկալելով իրենց ոլորտում կայացած լավագույն մասնագետներին։

Այս անգամ քննարկելու ենք պրոդյուսերի մասնագիտությունը։ Պրոդյուսերն այն մասնագետն է, ով կարող է դեռ երեկ բոլորին անծանոթ մարդուն դարձնել հայտնի, երգը՝ հիթ, բեմադրությունը՝ առավել սպասված ներկայացում․․․

Պրոդյուսերի պարտականություններից է իր մասնագիտացմանը համաձայն կազմակերպել նախագծի իրականացումն ու առաջխաղացումը։ Նա ղեկավարում է աշխատանքային ողջ գործընթացը՝ ֆինանսական, կադրային, կազմակերպչական, տեխնիկական աշխատանքները։ Պետք է ենթադրել, որ այս ոլորտում կայանալու համար անհրաժեշտ են լիդերային հատկանիշներ և կոմերցիոն հմտություններ։

Այս և մասնագիտության վերաբերյալ այլ մանրամասների կծանոթանանք հունվարի 24-ին՝ ժամը 19։30-ին, ոլորտի լավագույն ներկայացուցիչներից երեքի օգնությամբ։

ՄԵՐ ՀՅՈՒՐԵՐՆ ԵՆ.
🔹 Ռուդիկ Տեր-Գալստյան | «Factory Production»
🔹 Տիգրան Վիրաբյան | քաղաքապետի տեղակալ
🔹 Արման Միտոյան | երաժշտական, ֆիլմերի պրոդյուսեր

Հանդիպումը կվարի #LOFT-ի հոգեբանական ակումբի համակարգող, հոգեբան Մարի Ամիրխանյանը։

«Ինքնորոշում» նախագիծը նվիրված է մարդկության պատմության մեջ առկա յուրակերպ ու բացառիկ մասնագիտություններին և դրանց հոգեբանական նրբություններին, որոնց մասին տեղեկանում ենք ինքնատիպ հանդիպումների շրջանակներում՝ հատուկ հյուրերի մասնակցությամբ։ Մասնագիտության ընտրությունը կատարվում է առցանց հարցման ձևաչափով LOFT-ի հոգեբանական ակումբի ֆեյսբուքյան խմբում (https://bit.ly/2Spf2Tf)։

«Ինքնորոշում» նախագիծ. պրոդյուսերություն

Հունվարի 26-ին՝ ժամը 19։00-ին, #LoftYerevan-ում տեղի կունենա ճապոնացի լեգենդար ռեժիսոր Մամորու Օշիի «Angel’s Egg» ֆիլմի ցուցադրությունը։

Ֆիլմը պատմում է երիտասարդ աղջկա մասին, ով շատ արժեքավոր մի ձվի միակ պաշտպանն է: Նրա տունը գտնվում է լքված գոթական քաղաքի կողքին, որը բնակեցված է ստվերներով: Սակայն մի օր հայտնվում է խորհրդավոր մի երիտասարդ, ով, ի վերջո, կարողանում է ձեռք բերել նրա վստահությունը։ Բայց արդյո՞ք հարկավոր էր վստահել նրան։

Ցուցադրությանը կհետևի նաև քննարկում, կներկայացվեն տեղեկություններ ֆիլմի մասին, կփոխանակվեն կարծիքներ։ 

«Angel’s Egg». դիտում-քննարկում

Երեկոյի ընթացքում հյուրընկալելու ենք Tea Art Yerevan-ի հիմնադիր-տնօրեն Ալեքսանդր Դաշյանին, ով մասնակիցներին կծանոթացնի չինական թեյախմության օրենքներին ու առանձնահատկություններին։

Ալեքսանդրը նաև կներկայացնի բացառիկ թեյերի տեսակներ, որոնք կկարողանանք համտեսել։

Friday

Classic Chinese Tea Ceremony

Փետրվարի 2-ին՝ ժամը 19։00-ին, #LoftYerevan-ում տեղի կունենա ճապոնացի լեգենդար ռեժիսոր Մամորու Օշիի «Ghost in the Shell» ֆիլմի ցուցադրությունը։

Մոտ ապագայում մայոր Միրա Քիլիանը առաջինն է լինելու իր տեսակի մեջ. մարդ, ով փրկվել է սարսափելի աղետից և կիբեռնետիկորեն կատարելագործվել, որպեսզի դառնա աշխարհի ամենավտանգավոր հանցագործների դեմ պայքարող զինվորը:

Ցուցադրությանը կհետևի նաև քննարկում, կներկայացվեն տեղեկություններ ֆիլմի մասին, կփոխանակվեն կարծիքներ։

📥 Գրանցման հղումը՝ https://forms.gle/Eome3BhjiV8Fdg4NA

«Ghost in the Shell». դիտում-քննարկում

Mixed

Մատո՛ռռ. մենք դանդաաղ հանում ենք ձեր վրայից աշխատանքային շաբաթվա հոգնածությունն ու... սկսվում է խաղը։

Movie Quiz

Գյումրիից ժամանած չորս արվեստագետների՝ Վարդուհի Անդրանիկյանի, Մերի Պողոսյանի, Ջուլիետա Մանուկյանի, Թերեզա Դարբինյանի պատրաստած յուրօրինակ նոթատետրերը կարող են հիանալի նվեր լինել ձեր սիրելիների ու մտերիմների համար։

Book Art. ցուցահանդես-վաճառք

When machines learn to feel, who decides what is human...

2032-ին Բատոն՝  9-րդ հակաահաբեկչական ստորաբաժանման անվտանգության բաժնի հետախույզը, ուսումնասիրում է իր սեփականատիրոջը սպանած մի ռոբոտի քրեական գործը և կատարում շատ սարսափելի բացահայտումներ։

Ցուցադրությանը կհետևի նաև քննարկում, կներկայացվեն տեղեկություններ ֆիլմի մասին, կփոխանակվեն կարծիքներ։



«Ghost in the Shell 2: Innocence». դիտում-քննարկում

Մարտի 1-ին՝ ժամը 19։00-ին, #LoftYerevan-ում տեղի կունենա ճապոնացի լեգենդար ռեժիսոր Մամորու Օշիի «Jin-Roh: The Wolf Brigade» ֆիլմի ցուցադրությունը։

Ցուցադրությանը կհետևի նաև քննարկում, կներկայացվեն տեղեկություններ ֆիլմի մասին, կփոխանակվեն կարծիքներ։

«Jin-Roh: The Wolf Brigade». դիտում-քննարկում

Փետրվարի 16-ին` ժամը 19։00-ին, ❣ Վալենտինի օրվա շրջանակներում #LoftYerevan-ում տեղի կունենա «Ride Your Wave» ֆիլմի ցուցադրությունը։

Ցուցադրությանը կհետևի նաև քննարկում, կներկայացվեն տեղեկություններ ֆիլմի մասին, կփոխանակվեն կարծիքներ։

❗ Ցուցադրությունն անց է կացվելու ռուսերեն ենթագրերով։

«Ride Your Wave». դիտում-քննարկում

ԻՆՉՈՒ՞ ՍՈՎՈՐԵԼ ՄՈՆՏԱԺ
Այսօր վիդեոմոնտաժը դարձել է ժամանակակից թվային աշխարհի անբաժանելի մասը, իսկ տեսանյութերի հետ կապված մասնագիտությունները զբաղեցնում են ապագայի մասնագիտությունների թոփ հորիզոնականները։ Մոնտաժի գիտելիքներն օգտակար են ոչ միայն հենց մոնտաժողի մասնագիտությունն ընտրած մարդկանց համար, այլեւ ժամանակակից վիդեոարտադրության բոլոր մասնակիցների։

ՈՒ՞Մ ՀԱՄԱՐ Է ԴԱՍԸՆԹԱՑԸ
Սկսնակ եւ գործող մոնտաժողների, ռեժիսորների, օպերատորների, պրոդյուսերների, գովազդատուների եւ տեսանկարահանողների համար, ովքեր ունեն մասնագիտական միջին կամ բարձրագույն կրթություն։

Ի՞ՆՉ ԵՔ ՍՈՎՈՐԵԼՈՒ
Կողմնորոշվել ժամանակակից կինո- եւ վիդեոարտադրության ոլորտում, աշխատել տարբեր ժանրերի տեսանյութերի հետ՝ դոկումենտալ, գեղարվեստական կինո, երաժշտական տեսահոլովակներ, գովազդ, վիդեոբլոգ, հասկանալ ստուդիաների աշխատանքային գործընթացի կառուցվածքը։

Դասընթացը կվարի Ռուսաստանից ժամանած Գարիկ Աթոյանը, ում մասին մանրամասն տեղեկություն կգտնեք այստեղ.  ➡ https://bit.ly/2vwVXEP

ՄՈՆՏԱԺ. տեսական եւ գործնական դասընթաց

Աստվածաբանական հանդիպումների ու քննարկումների շարք՝ TheoLab Center for Science and Analysis / ԹեոԼաբ գիտավերլուծական կենտրոնի կողմից, որի առաջին հանդիպումը տեղի կունենա փետրվարի 22-ին՝ ժամը 19։00-ին, LoftYerevan-ում։ ԹեոՀանդիպումներ շարքի այս հանդիպման ընթացքում քննարկելու ենք քրիստոնեական մոտիվները ժամանակակից հայ գրականության մեջ։

Պոստմոդեռնիզմի դարաշրջանում արդի հայ գրականությունը ընթանում է քրիստոնեազերծման ուղղությամբ։ Եթե արևելյան կրոնական ուսմունքներն ու զանազան սինկրետիկ գաղափարախոսություններն ինչպես անցյալ դարասկզբին, այնպես էլ այսօր մնում են նորաոճ, ապա քրիստոնեական մոտիվները գրականության մեջ աստիճանաբար նվազում են։

Հանդիպումը կվարի արձակագիր Մհեր Բեյլերյանը*:

*Մհեր Բեյլերյանը ավարտել է Երևանի թատրոնի և կինոյի պետական ինստիտուտի գեղարվեստական ֆիլմերի ռեժիսուրայի բաժինը։ Աշխատանքային գործունեություն ծավալել է «Ար» հեռուստաընկերությունում, ՀՀ մշակույթի, սպորտի և երիտասարդության հարցերի նախարարությունում, «Հայ զինվոր», «Հայաստանի Հանրապետություն» թերթերում, «Նարցիս» գրական հանդեսում, «Նովոստի Արմենիա» տեղեկատվական կայքում։ Նրա ստեղծագործությունները տպագրվել են «Գարուն», «Բնագիր», «Ակտուալ արվեստ», «Գրական թերթ» և այլ գրական հանդեսներում և թերթերում: Հրատարակվել են նրա «Վերջին ժամը» (2002), «Սկյութների ստվերները» (2008), «Ընկնող աստղերի անձրևի վկան» (2014), «Մեղքի հարյուր տարին» (2014) գրքերը: 2003-ից Հայաստանի գրողների միության անդամ է: 2014-ին «Սկյութների ստվերները» գրքի համար արժանացել է ՀԳՄ Դերենիկ Դեմիրճյանի անվան մրցանակի։

TheoLab Center for Science and Analysis / ԹեոԼաբ գիտավերլուծական կենտրոն-ի մասին

Կենտրոնը ստեղծվել է Հայաստանում աստվածաբանական և կրոնագիտական գիտակարգերի զարգացմանը նպաստելու, գիտական տարբեր հետազոտություններ կատարելու, հրատարակչական գործունեությամբ զբաղվելու համար՝ միաժամանակ նպաստելով վերոնշյալ ոլորտների վերաբերյալ մասնագիտական և առհասարակ հասարակական իրազեկվածության բարձրացմանը:

Քրիստոնեական մոտիվները ժամանակակից հայ գրականության մեջ․ սեմինար

Դե այո, դիզայներ չունենք... Բայց, փոխարենը, ունենք #IQClub-ի գժժժական  համակարգողներ 😎, ովքեր այս անգամ մեզ համար պատրաստել են սերիալների թեմատիկայով քուիզ։

Կանխատեսում ենք, որ այս քուիզը կրկնակի էմոցիոնալ ու թեժ է անցնելու, էնպես որ օրացույցում նշեք, որ փետրվարի 28-ի երեկոն [ժ. 19:00] մեզ հետ եք անցկացնելու։ 

TV Series: Quiz

History and Theory

Պատմություն և տեսություն

Այս տարի լրացավ հայ արվեստում պատմական ժանրի հիմնադիր, գեղանկարիչ Վարդգես Սուրենյանցի 160-ամյակը, որի առթիվ մայիսի 5-ին, ժամը 19։00-ին #LOFT-ը կներկայանա գեղանկարչին նվիրված առցանց դասախոսությամբ։

Ռուսական և եվրոպական գիտական հաստատություններում մասնագիտական կրթություն ստացած, հայկական արվեստի և համաշխարհային նոր հոսանքների խորը իմացությամբ գեղանկարիչը ստեղծել է յուրօրինակ ստեղծագործություններ, որոնք մինչ օրս հիացնում են արվեստասերներին։ Սուրենյանցը բացի գեղանկարչությունից զգալիորեն նպաստել է նաև գրաֆիկայի և գրքարվեստի զարգացմանը, զբաղվել է բեմանկարչությամբ ու թարգմանություններ է կատարել։

Նրա ստեղծագործական հարուստ ժառանգությանը կանդրադառնա Երևանի պետական համալսարանի հայ արվեստի պատմության և տեսության ամբիոնի դասախոս, արվեստաբան Սաթենիկ Չուգասզյանը։

For all interested

Tuesday

Վարդգես Սուրենյանց 160

Մարիա Անտոնյանը պերֆորմանսի մասնագետ, մշակութաբան, թարգմանիչ, Մ. Վ. Լոմոնոսովի անվան Մոսկվայի պետական համալսարանի և բրիտանական դիզայնի բարձրագույն դպրոցի դասախոս է: Ավարտել է ՄՊՀ օտար լեզուների և ռեգիոնագիտության ֆակուլտետը: «Fulbright» ծրագրի կրթաթոշակառու է: Հետազոտություններ է անցկացրել Կոլումբիայի համալսարանում, Նյու Յորքի համալսարանի Տիշ արվեստի դպրոցում, «ՄոՄա» հետազոտական կենտրոնում [Նյու Յորք]: Աշխատել է Մարինա Աբրամովիչի անձնական արխիվի հետ։ Մի շարք գիտական հոդվածների, զեկույցների և դասախոսությունների [ռուսերեն, անգլերեն և իսպաներեն] հեղինակն է:

Վեբինարի ընթացքում Մարիան կպատմի վերջերս հրատարակված գրքի մասին, որը հետազոտում է ժանրի հիմնարար հարցերը և նրա ընկալման առանձնահատկությունները՝ անդրադառնալով Մարինա Աբրամովիչի՝ 20-րդ դարի երկրորդ կեսի և 21-րդ դարասկզբի արվեստի աշխարհում ամենապայծառ դեմքերից մեկի աշխատանքներին:

LOFT-ի առցանց հարթակում Մարիան կպատմի՝ ինչ է դասական պերֆորմանսը, ինչպես է ստեղծվել գիրքը, ով է պերֆորմանսիստ-արտիստը և որն է «պերֆորմանսի տատիկ» Մարինա Աբրամովիչի ֆենոմենը, ով ավելի քան 45 տարի է՝ օգտագործում է մարմինն ու գիտակցությունը արվեստի գործեր ստեղծելու համար: Մարիան նաև կպատասխանի ձեր հարցերին, որոնք կարող եք թողնել մեկնաբանություններում:

Վեբինարը տեղի կունենա մայիսի 10-ին, ժամը 19։00-ին։

Իրադարձության #live-հեռարձակման հղումը նույն օրը կտեղադրվի ֆեյսբուքյան այս #event-ի մեջ։

Գրքի և պերֆորմանսի արվեստի մասին առավել մանրամասն կարող եք կարդալ այստեղ․ https://bit.ly/2WvHkf0
—  —  —  —  —  —


Мария Антонян: Искусство перформанса

Արդեն հինգերորդ տարին անընդմեջ LOFT-ը տոնում է #InternationalPhotographyDay-ը*։ Եվ նույնիսկ համավարակի այս օրերին ոչինչ չի կարող խոչընդոտ հանդիսանալ իրադարձության անցկացմանը, քանի որ այս անգամ այն նախատեսվում է առցանց մրցույթի ձևաչափով։

Այսպիսով, LOFT-ը` համատեղ Germaniqa-ի, ներկայացնում է  #InternationalPhotographyDay2020-ը, որի շրջանակներում կազմակերպված մրցույթի թեման է #Պանդեմիա-ն։

Համավարակը զգալիորեն փոխեց բոլորիս առօրյան, փոխվեցին նաև արվեստի ընկալման և վերարտադրման գործընթացները, ինչից անմասն չմնաց նաև լուսանկարչության ոլորտը։

Ի՞ՆՉ Է ՀԱՐԿԱՎՈՐ ՄՐՑՈՒՅԹԻՆ ՄԱՍՆԱԿՑԵԼՈՒ ՀԱՄԱՐ ❓

Մինչ  օգոստոսի 19-ը ուղարկի՛ր քո կողմից արված մեկ լուսանկար և ստացի՛ր հնարավորություն՝ հաղթելու հատուկ մրցանակ LOFT-ի և մրցույթի ժյուրիի անդամների կողմից։

Բոլոր լուսանկարները կհրապարակվեն հատուկ ալբոմի մեջ, ու այնուհետև կմեկնարկի առցանց քվեարկությունը։ Ամենաշատ հավանության արժանացած լուսանկարի հեղինակը կստանա հատուկ նվեր LOFT-ի կողմից։ Ժյուրիի կազմում ընդգրկված յուրաքանչյուր մասնագետ ևս կընտրի իր հաղթողին՝ անկախ առցանց քվեարկության արդյունքներից։

ԺՅՈՒՐԻԻ ԿԱԶՄՈՒՄ ԸՆԴԳՐԿՎԱԾ ԵՆ՝

🔹 Ելենա Կոժեմյակինան

🔹 Էմմա Մարաշլյանը

🔹 Արթուր Լյումենը

🔹 Սուրեն Մանվելյանը

🔹 Արեգ Բալայանը

📧 Լուսանկարները կարող եք ուղարկել հետևյալ էլ․ հասցեին՝ media@loft.am-ին՝ նշելով ձեր անուն-ազգանունը և կոնտակտային որևէ հեռախոսահամար։

—————————————

*Լուսանկարչության միջազգային օրը համարվում է օգոստոսի 19-ը։ 1839-ի հենց այդ օրը աշխարհն իմացավ դագերոտիպ լուսանկարի նախատիպի մասին։ Այն ստացվեց հատուկ տեխնոլոգիաների միջոցով, որի հեղինակն էր քիմիկոս-գյուտարար Լուի Ժակ Մանդե Դագերը։

International Photography Day 2020

webinar

Webinar/seminar

Վեբինար/սեմինար

Вебинар/семинар

Ճերմակ սավանի պես էկրանին առկայծում է սեւ-սպիտակ պատկերը՝ մեզ փոխանցելով դարաշրջանի գույնն ու իտալական սուրճի բույրը։ Սեւ, նեղ փողկապով տղամարդը պինդ գրկում է իր սիրելիին՝ թողնելով նրան էկրանից ներս՝ մեծն ռեժիսորի անհասանելի կինոմատոգրաֆիկ արվեստում․․․

📅 Դեկտեմբերի 18-ին Հայաստանում Իտալիայի դեսպանատան, Ադամ Միցկիեւիչի ինստիտուտի, Ոսկե Ծիրանի եւ LOFT-ի համագործակցությամբ՝ տեղի կունենա 20-րդ դարի իտալացի մեծանուն ռեժիսոր Ֆեդերիկո Ֆելլինիի 100-ամյակին նվիրված #FelliniDay կրթամշակութային միջոցառումը։

Երեկոյի ընթացքում սպասվում է թեմատիկ իրադարձությունների շարք, որի շրջանակում կտեղափոխվենք կինոյի կնքահայրերից մեկի՝ Ֆելլինիի հայրենի քաղաք Ռիմմինի՝ բացահայտելու հանճարի գաղտնիքը։

FELLINI DAY: #FellinLove100

course

Kurs

Course/workshop

Դասընթաց/վորքշոփ

Курс/Воркшоп

Երեկոյի ընթացքում կքննարկենք.

🔹 ի՞նչ է ենթադրում դպրոցին պատրաստվածությունը

🔹 երեխայի անձնային ինչպիսի՞ հատկանիշների բարելավումը հնարավորություն կտա հնարավորինս պատրաստ լինել դպրոցին

🔹 որո՞նք են ավագ նախադպրոցական տարիքի երեխայի առանձնահատկությունները

🔹 երեխայի զարգացման ո՞ր ոլորտներին է անհրաժեշտ առավել ուշադրություն դարձնել

Միջոցառում

LOFT-ում տեղի կունենա «Պատրաստվում ենք դպրոցին» խորագրով սեմինար, որի ընթացքում ծնողները կպարզեն՝ ինչպիսի գործոնների պետք է ուշադրություն դարձնել մինչ երեխաների դպրոց հաճախելը։ 

Սեմինարը կվարի մանկական հոգեբան և կրթության մասնագետ Վարսի Սենեքերիմյանը [https://bit.ly/2RuI6Kc]։

Maths

«Պատրաստվում ենք դպրոցին» սեմինար

Loft is a self-development and leisure  multifunctional center, where everything is free, except time. It’s a crossroad of extreme, new approach, and a dream-reality interception. 

Under the same roof you can find diversity of activities in independent halls: playroom, open kitchen, conference-hall, white-room which can be used  as a space for yoga and dance, a large hall for art and cultural activities, a stage with musical instruments. Recently a new, rest area has been opened in the LOFT. 

The multifunctioning of the LOFT is due to the availability of the transforming zones, which allows to conduct more than 5 events at once, events, such as cooking cheesecake and having meeting with Tigran Masnuryan, the concert of Malkhas and Ping-Pong match, watermelon party and the presentation of Bernard Werber’s book. 

