Events

«Ժողովրդական Արվեստի Հանգույց» կրթամշակութային հիմնադրամը կազմակերպում է իր հերթական գիտահանրամատչելի  բանախոսությունը, որը վերաբերում է Հայոց արքաների` «Մաշտոց» ծիսարաններում պահպանված թագադրության կանոններին, որոնք այդ աղբյուրներում կոչվում են թագավորի ձեռնադրություն կամ օրհնություն: Կներկայացվեն հայ մատենագրական այլ երկերի` թագադրության մասին վկայող տեղեկությունները: Առանձին անդրադարձ կկատարվի Կիլիկիայի հայոց արքաների, հատկապես Լևոն Ա Մեծագործի և Լևոն Ե Լուսինյանի թագադրություններին, որոնց ընթացքում եղել է երկու ձեռնադրություն և օծում. ըստ սկզբնաղբյուրային վկայությունների` արքաներին ձեռնադրել և օծել են Ամենայն Հայոց կաթողիկոսը և Հռոմի պապի ներկայացուցիչը: Կներկայացվի նաև Վասպուրականի Սեֆեդինյան տոհմից Սմբատի թագավորական օծումը 1465 թվականին, որը հայոց արքայական վերջին թագադրությունն էր։
Բանախոս` պատմական գիտությունների թեկնածու  Վահե Թորոսյան:

Not specified

Ժողովրդական Արվեստի Հանգույց / Folk Arts Hub

Evening

ՀԱՅՈՑ ԱՐՔԱՆԵՐԻ ԹԱԳԱԴՐՄԱՆ ԾԵՍԸ ՄԻՋՆԱԴԱՐՈՒՄ

Սիրով հրավիրում ենք Ձեզ «Այրոգի» ստվերների թատրոնի ներկայացմանը, որը տեղի կունենա  նոյեմբերի 28-ին ժամը 19:30:

Հանդիպում ենք «Մետաքսի Ճանապարհ» հյուրանոցում: Կցուցադրվեն փոքրիկ ներկայացումներ Ղարագյոզի մասին, ինչպես նաև կներկայացվեն հայկական հեքիաթները՝ փոքր-ինչ փոփոխված տարբերակներով:

Ստվերների թատրոն

Mixed

Բանախոսության ընթացքում խոսելու ենք «ժանյակ» կոչվող ձեռագործ արտադրանքի նույնականցման խնդրի մասին։ Կծանոթանանք ժանյակների դասակարգմանը ըստ տեխնիկաների և տեխնոլոգիական տիպերի։ Կդիտարկենք տարբեր դարաշրջաններում՝ նորաձևության ու արվեստի իշխող ոճի հետ կապված ժանյակների կառուցվածքային և նախշազարդային զարգացումները։ Ցույց կտրվեն հիմնական ժանեկագործական դպրոցների առանձնահատկությունները։ Կտեղեկանանք ժանյակի արվեստի հմուտ գիտակ արվեստագետների՝ ժանյակի տարիքի վերաբերյալ ունեցած տեսակետներին։ Կներկայացվի որոշակի ժամանակաշրջաններում ժանյակի՝ որպես երկրների զարգացման կամ սնանկացման՝ առաջնային տնտեսական գործոնի փաստը և դրա տարածումը եվրոպական երկրներում։
Հայկական ժանյակը կդիտենք որպես ազգային դրսևորում։
Բանախոսությունը կվարի ժանյակագործության վարպետ Սոֆյա Գալֆայանը։

Ժանյակի մշակույթը պատմության ուղիներում

«Ժողովրդական Արվեստի Հանգույց» կրթամշակութային հիմնադրամը հիմնադրվել է 2014 թվականին Լեւոն Դեր-Բեդրոսսեանի կողմից: Հիմնադրամի հիմնական նպատակն է հայոց մշակութային արժեքների պահպանումը, հանրահռչակումը և այդ հենքով նոր զարգացման ապահովումը: Մեր ծրագրերում հատուկ տեղ ունի ժողովրդական արվեստը, որի վերաբերյալ հիմնադրամը ներկայումս իրականացնում է մի քանի ծավալուն ծրագրեր: Որպես գերնպատակ` աշխատում ենք նոր սերնդի վարպետների կրթման ուղղությամբ: Փորձում ենք վեր հանել գրեթե մոռացված, նվազ կիրառվող արհեստները, վերականգնել դրանց կորած հմտությունները և նորովի վերադարձնել այսօրվա կյանք: Աջակցում ենք մշակութային-կրթական հաստատությունների, հայագիտությամբ և արհեստներով զբաղվող անձանց: Անչափ կարևորում ենք նաև հրատարակչական գործը: Ուստի, փորձելու ենք հրատարակել այնպիսի աշխատություններ, որոնք առավել օգտակար կլինեն մեր որդեգրած հիմնական նպատակների իրականացման համար:
Հիմնադրամը ֆինանսավորվում է իր ձեռնարակատիրական գործունեությունից ստացվող շահույթից և անհատ նվիրատուների կամավոր նվիրատվություններից:

«Ժողովրդական Արվեստի Հանգույց» կրթամշակութային հիմնադրամը հիմնադրվել է 2014 թվականին Լեւոն Դեր-Բեդրոսսեանի կողմից: Հիմնադրամի հիմնական նպատակն է հայոց մշակութային արժեքների պահպանումը, հանրահռչակումը և այդ հենքով նոր զարգացման ապահովումը: Մեր ծրագրերում հատուկ տեղ ունի ժողովրդական արվեստը, որի վերաբերյալ հիմնադրամը ներկայումս իրականացնում է մի քանի ծավալուն ծրագրեր: Որպես գերնպատակ` աշխատում ենք նոր սերնդի վարպետների կրթման ուղղությամբ: Փորձում ենք վեր հանել գրեթե մոռացված, նվազ կիրառվող արհեստները, վերականգնել դրանց կորած հմտությունները և նորովի վերադարձնել այսօրվա կյանք: Աջակցում ենք մշակութային-կրթական հաստատությունների, հայագիտությամբ և արհեստներով զբաղվող անձանց: Անչափ կարևորում ենք նաև հրատարակչական գործը: Ուստի, փորձելու ենք հրատարակել այնպիսի աշխատություններ, որոնք առավել օգտակար կլինեն մեր որդեգրած հիմնական նպատակների իրականացման համար:

Հիմնադրամը ֆինանսավորվում է իր ձեռնարակատիրական գործունեությունից ստացվող շահույթից և անհատ նվիրատուների կամավոր նվիրատվություններից: