Խախտելով դիզայնի իներցիան․ միջդիսցիպլինար ճանապարհորդություն

Բաց ստուդիայի 22-րդ միջոցառումը իրենից ներկայացնելու է եռօրյա դիզայն-charrette (արագընթաց թիմային ստեղծագործական աշխատարան), որը կվարի ճարտարապետ, նորաձևության դիզայներ Վիկեն Դերդերյանը։

Վիկեն Դերդերյանը միջդիսցիպլինար դիզայներ է, որը ստացել է ճարտարապետության բակալավրի աստիճան Հարավային Կալիֆորնիայի ճարտարապետության ինստիտուտում (Southern California Institute of Architecture (SCI-ARC), այնուհետև ավարտել է Սան Ֆրանսիսկոյի Արվեստի համալսարանը՝ ստանալով նորաձևության մագիստրոսի աստիճան (Master of Fine Arts in Fashion from the Academy of Art University, in San Francisco, CA)։

Վիկեն Դերդերյանի միջդիսցիպլինար մոտեցումներն արտահայտվում են նրա բազմաթիվ աշխատանքներում։
Նրա հավաքածուները ցուցադրվել են Նյու Յորքի Մերսեդես Բենց և Լոս Անջելեսի նորաձևության շաբաթների շրջանակներում, ինչպես նաև հայտնվել են մի շարք հայտնի պարբերականների շապիկներին (LA Apparel News, Women’s Wear Daily, San Francisco Chronicle, Los Angeles Times)։

Միջոցառումները կընթանան Ճարտարապետության և շինարարության Հայաստանի ազգային համալսարանում՝ հետևյալ ժամանակացույցով․

մարտի 4-ին, ժամը 16։30-ին, 2021 լսարան,
մարտի 5-ին, ժամը 16։30-ին, 2417 արվեստանոց,
մարտի 6-ին, ժամը 16։30-ին, 2417 արվեստանոց։