Գիրք կարդա, մարդ դարձի

Ես անձամբ դժվարությամբ եմ կարդում օնլայն գրքեր ու հետո շատ դրվագներ ուղղակիորեն չեմ հիշում։ Հարցը, կարծում եմ, մոտեցման  ու տրամադրվածության մեջ է։ Բայց օնլայն հարթակը ավելի մեծ հնարավորություններ է տալիս շատ օտարալեզու գրքեր գտնելու և անվճար ներբեռնելու, ընթերցելու համար։ Դրան զուգահեռ՝ ժամանակ չեք վատնի գիրքը ձեռք բերելու համար։ Պետք չէ գնալ գրադարան կամ գրախանութ։ Բայց դե շատերը, երևի ինձ նման ընկնում են ռոմանտիզմի գիրկը և նախընտրում են տպագիր գրքերը, ուզում են թերթել ու զգալ գրքի հոտը, մատիտով նշումներ անել, հետո ռետինով ջնջել ու այդպես շարունակ։ Այս հատվածում պետք է նաև նշեմ աուդիոգրքերի կարևորությունը։ Լեզվակրի հետ հաղորդակցվելուն հավասար է աուդիոգիրքը, իսկ եթե ստացվի ձեռք բերել և՛ աուդիո տարբերակը, և՛ առանձին տեքստը, միայն շահած դուրս կգաք։

Սարսափելի չէ, եթե չհավանես առաջին, երկրորդ, երրորդ նույնիսկ չորրորդ գիրքը, որը վերցնում ես ձեռքդ։ Գիրքը ընթերցելը կարելի է համեմատել սիրավեպի հետ։ Ամեն մեկի հետ չի ստացվի երկարատև հարաբերություն ունենալ ։ԴԴ
Հիմա հարց է առաջանում, թե որտեղից ձեռք բերել գրականություն։ Պատասխանը շատ պարզ է, Երևանում ունենք Գյոթե կենտրոնին կից ընթերսացրահ ու գրադարան, նաև Ֆրանց Վերֆելի անվան ավստրիական գրադարան։ Միայն այս երկու գրադարաններն արդեն իսկ կբավարարեն ձեր բոլոր պահանջները։

Եվ այսպես, տարբեր մակարդակների  գերմաներեն գրքեր, որոնք արժե կարդալ, դժվար ընթեռնելի, պարտադիր ընթերցանության գրականություն կամ դասական էլ չեն՝

1.Gebrüder Grimm ”Märchen”
2.”Asterix und die Goten”, “Asterix bei den Briten”, usw.
3.Antoine de Saint-Exupéry ”Der Kleine Prinz”
4.Bernhard Schlink ”Der Vorleser”
5.Daniel Glattauer “Geschenk”, “Ewig dein”, “Gut gegen Nordwind”, “Alle sieben Wellen”
6.Claudia Rusch “Meine freie deutsche Jugend”