Online content & Digital Experience | Անվճար առցանց դասընթաց
![[object Object]](/static/images/course/location.svg)
-
0Դասընթացի մասին
Վերակառուցման և զարգացման եվրոպական բանկը՝ ԵՄ ֆինանսավորմամբ, շարունակելով «Բիզնեսի զարգացումը թվայնացման միջոցով» անվճար առցանց դասընթացների շարքը, կազմակերպում է ևս մեկ դասընթաց՝ Առցանց բովանդակություն և թվային փորձառություն թեմայով։
Դասընթացների կազմակերպմանն օժանդակում է Հայաստանում Գործարարության աջակցման գրասենյակը։
Գրանցվելով և մասնակցելով դասընթացին՝ դուք կստանաք ևս մեկ հնարավորություն՝ ծանոթանալ ՎԶԵԲ-ի կողմից բիզնեսի աջակցման ծրագրի մանրամասներին՝ մեծացնելով հետագայում շահառու դառնալու ձեր հնարավորությունները՝ չափանիշներին համապատասխանելու պարագայում։
Աշխատանքային լեզուն հայերենն է։
Դուք կսովորեք
Դասընթացի շնորհիվ դուք.
☉ կծանոթանաք բովանդակության մարքեթինգի տեսակներին ու դրանց առավելություններին,
☉ կիմանաք՝ ինչպես մշակել բովանդակության մարքեթինգի ռազմավարություն,
☉ կտեղեկանաք՝ որոնք են բովանդակության կառավարման ամենակիրառելի գործիքները և մեթոդները,
☉ կհասկանաք՝ ինչ է թվային փորձառությունը և ինչ առավելություններ է տալիս այն,
☉ կիմանաք՝ ինչպես կարելի է ավելի տեսանելի դառնալ առցանց աշխարհում։
Դուք նաև կկարողանաք ձեզ հուզող հարցերն ուղղել ոլորտի փորձագետներին։
Բովանդակություն
ԽՈՍՆԱԿՆԵՐ
Խոսնակներն են ՎԶԵԲ «ՓՄՁ-ների թվայնացման ծրագրի» գլխավոր փորձագետ Խեսուս Լոզանոն և ՎԶԵԲ «ՓՄՁ-ների թվայնացման ծրագրի» կրտսեր փորձագետ Արուսյակ Խուդավերդյանը։
ԽԵՍՈՒՍ ԼՈԶԱՆՈՆ նորարարությունների և ձեռնարկատիրական էկոհամակարգերի կառուցման ոլորտի բարձրակարգ փորձագետ է, Եվրոպական հանձնաժողովի եվրոպական նորարարության խորհրդի անդամ, կառավարման ավելի քան 27 տարվա փորձառությամբ գործարար և վենչուրային ներդրող՝ կենտրոնացած մասնավորապես ՏՀՏ ռազմավարություն մշակող սկսնակ ընկերությունների և գլոբալ զարգացման ուղղությամբ։ Նա նաև երիտասարդ ձեռնարկատերերի համար մշակված TopChallenge incubation and acceleration (TopChallenge ինկուբացիա և ակսելերացիա) դասընթացի համահեղինակն է։
ԱՐՈՒՍՅԱԿ ԽՈՒԴԱՎԵՐԴՅԱՆԸ նորարարության և ձեռնարկատիրության փորձագետ է, ով վերջին 3 տարիների ընթացքում մշակել և իրականացրել է ՏՏ էկոհամակարգի ծրագրեր Հայաստանում՝ նորագույն տեխնոլոգիաների և բիզնես մոտեցումների միջազգային լավագույն փորձը ներդնելու նպատակով։ Հիմնվելով գործարարության ոլորտում անձնական փորձի վրա և ակտիվորեն համագործակցելով թե՛ տեղական, թե՛ միջազգային ինկուբացիոն ու ակսելերացիոն ծրագրերի հետ՝ նա դասընթացներ է անցկացրել տարբեր ոլորտներ ներկայացնող հարյուրավոր ձեռնարկատերերի համար՝ աջակցելով նրանց բիզնես գաղափարների իրականացումից սկսած մինչև կանոնավոր վաճառքների ապահովում։
ՊԱՆԵԼԱՅԻՆ ՔՆՆԱՐԿՈՒՄ
Պանելային քննարկմանը կմասնակցեն հայաստանյան ընկերությունների առաջատար մասնագետները.
- Բովանդակության և ներգնա մարքեթինգ՝ Ռոզա Բեջանյան, գլխավոր գործադիր տնօրեն, ERP Smart System
- Բովանդակության կառավարման համակարգեր և համացանցային փորձառություն (CMS and Web Experience)՝ Խաչատուր Բադալյան, գլխավոր գործադիր տնօրեն, e-Works
- Որոնողական համակարգերի օպտիմալացում (SEO)՝ Սվետլանա Ջաղացպանյան, մասնաճյուղի կառավարիչ, Hi-Tech Gateway
- Էլեկտրոնային մարքեթինգ՝ Նանե Մաթևոսյան, կառավարող գործընկեր, Slice Consulting L.A.
uniQ սկսնակ ընկերության հաջողության պատմությունը կներկայացնի գլխավոր գործադիր տնօրեն Նվեր Կասիսը։
Քարտեզ
Բիզնես
Online content & Digital Experience | Անվճար առցանց դասընթաց
Հավանեք ու կիսվեք
Կարծիք հայտնել
Մեկնաբանություններ և վարկանիշ
Դարձեք բիզնես ոլորտի մասնագետ
Ստացեք բիզնես ոլորտի դասընթացների մասին թարմ տեղեկատվություն, զեղչված առաջարկներ ու նորություններ՝ համապատասխան Ձեր նախընտրություններին։ Գրեք էլեկտրոնային փոստի հասցեն։